ياراعية
قاهُمْ عليكْ عصابة
والشعر ما ينفع
ولا الكتابة،
لو تعزفي عُمْرِكْ
على الربابة
لا شْتِحْتَركْ نملة
ولا ذبابة.
***
عُمْرِكْ زَلَجْ غلايبْ
نشوان ماتْ
وغابت الجَوَالِبْ،
لا عاد نُجوم
تُبْدِيْ
ولا سحايِبْ
دهرِكْ عطش
وعيشتِكْ مصايبْ،
ليلِكْ ظلامْ
وليلتِكْ عقاربْ
مسكين!
كم سكين في الجَشَايبْ!
يانَا عليكْ
قلبي عليكْ ذايبْ.
يا راعية
مافيش معكْ شهادة
معِكْ غنم
لكن بلا قيادة
دوله معك
لكن بلا سيادة
فرْشِكْ معِكْ
لكن بلا قعادة
زادوا اللصوص
تناتفوا الوسادة.
قا كمَّلوا الخِزانة
هاذُمْ ذئابْ
ما فيش لهم أمانة،
ثوارْ لصوصْ
وعندهم حصانة
لو تنقدي
فلتان
أو فلتانة
مع الفُلُولْ
أنتِ وهُمْ بِخَانة
شْتِتْحَاكمي
بتهمة الخيانة.